Frå 1. mai vil fastrentene på studielån vere:
- 4,812 prosent for tre års bindingstid (opp 0,047 prosentpoeng)
- 4,745 prosent for fem års bindingstid (opp 0,038 prosentpoeng)
- 4,736 prosent for ti års bindingstid (opp 0,048 prosentpoeng)
Flytande rente som gjeld frå 1. mai, vil vere 5,156 prosent.
Dei som ønsker å binde studielånsrenta frå 1. mai, kan gjere det i perioden 10.–17. april. Ein søker om fastrente ved å logge seg inn på lanekassen.no.
Basert på dei beste bustadlånsrentene
Rentene i Lånekassen er basert på gjennomsnittet av dei fem beste tilboda om bustadlån i marknaden. Frå dette snittet blir det trekt 0,15 prosentpoeng, som gir Lånekassens renter.
Alle nye tilbakebetalarar får automatisk flytande rente på lånet sitt. Dei som ønsker, kan søke om fastrente i tre, fem eller ti år. Det er seks moglegheiter i året for å binde renta.
Dei aller fleste har flytande rente
796 000 personar betaler ned på studielånet sitt no, av disse har 781 000 flytande rente.
Les meir: