Kven kan ha rett til å få sletta studiegjeld?
Nyutdanna lærarar kan få sletta gjeld etter tre år i jobb
Nyutdanna lærarar som har fullført femårig grunnskolelærarutdanning, lærararutdanning i praktiske og estetiske fag, eller lektorutdanning, kan ha rett til å få sletta delar av studiegjelda si om dei:
- fullfører utdanninga på normert tid, og
- jobbar som lærar i tre av dei første seks åra etter fullført utdanning.
Kor mykje av studiegjelda som kan slettast, avheng av kva for lærarutdanning hen har fullført. Nyutdanna lærarar som jobbar som lærar i Nordland, Troms eller Finnmark, kan ha rett til å få sletta meir av studiegjelda si.
Lærarutdanning med spesialisering i realfag, framandspråk, samisk eller kvensk
Studentar som har fullført lærarutdanning med spesialisering i realfag eller framandspråk, kan ha rett til å få sletta opptil 50 000 kroner av studiegjelda si.
Ordninga gjed også for lærarar, lektorar og barnehagelærarar som har 60 studiepoeng eller meir i samisk eller kvensk språk, også når studiepoenga er tatt i tillegg til profesjonsutdanninga.
Grunnskolelærar i Finnmark eller Nord-Troms
Grunnskolelærarar som jobbar i Finnmark eller Nord-Troms, kan ha rett til å få sletta 20 000 kroner av studiegjelda si kvart år. Det gjeld kvalifiserte lærarar i Finnmark og sju kommunar i Troms: Lyngen, Storfjord, Kåfjord, Skjervøy, Nordreisa, Kvænangen og Karlsøy.